منتدى يجمع عشاق ملك القلوب شادي وامير الرومنسية هادي
 
الرئيسيةالبوابةمكتبة الصوربحـثالتسجيلدخول

شاطر | 
 

 شادي في المدينة تغني نجم سوريا 2005

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أكتر وحدة بتحبهم بلعالم
عضو نشيط
عضو نشيط
avatar

انثى عدد الرسائل : 141
تاريخ التسجيل : 04/01/2008

مُساهمةموضوع: شادي في المدينة تغني نجم سوريا 2005   الثلاثاء فبراير 12, 2008 6:55 pm

كمان مرحبا
كان اللقاءالساعة 6.05 مساءا و انتهى 7.15 مساءا..تاني أيام عيد اللأضحى السعيد
مع باسل محرز في برنامج المدينة تغني..
بدأ اللقاء بالإعلان يلي سجله شادي بصوته تفاصيل

باسل بدأ الكلام : قبل ما عرفكن عن الضيف اليوم و يلي كتار منكم صاروا بيعرفوا عندي إيميل كثير حلو و مهضوم و مميز رح أقرأه بالبداية و بعدين برحب بضيفنا

مهما يغيب عنا القمر أنت بعيوننا قمر
و عشان غرامنا لك أمر يحلى معاك طول السهر
الحب طاير على الشجر خلا الفرح فرحين
و زهوره بتمطر مطر فيروز على ياسمين
و شادي ساعة ما ظهر الضي شافه أنبهر
نجمنا ع الشط أنشغل جمع الصدف حواليه
و الحسن بقده أكتمل و البدر كحله عينيه
فاز بالهنا و السعد مين سمعك يا شادي

أرقى الكلمات إلى عاشق الروح و عندليب الحب شادي أسود و كل عام و أنت بخير و شكراااا


وبدأ اللقاء:

باسل: نجم سوريا لعام 2005 و بنسبة 67% شادي أسود مساء الخير و أهلا و سهلا فيك

شادي : / يضحك / مساء النور و أهلا و سهلا فيكم

باسل : شادي هلأ أول الشي يعني من المنطق نسأل كيف كانت المفاجأة ؟؟ شادي خليني أعرف كيف استقبلت خبر إنك حصلت على لقب نجم سوريا 2005 ؟؟

شادي : / يضحك / أول كلمة قلتها الحمد لله وصراحة أنا ما بعرف كيف بدي خبرك شو حسيت بوقتها لأنه وقتها كنت بدي سافر ع الأردن كان عندي مقابلة وخبرني ميشيل سكر مدير الإذاعة الخبر وأنا ما صدقت رجعت حكيت معه بعد ربع ساعة وسألته عم تحكي عنجد وفعلا خبرني يلي صار وقال لي طلعت نجم سوريا بالتصويت بنسبة 67% و باركلي
قلت له بكرة بتقول الناس إني دافع / و يضحك /

باسل : هلأ على سيرة دافع مر بالإعلان هالحكي قديش دفعت حتى أخذت هاللقب شاي خلينا نكون واقعيين وواضحين يضحكان/

شادي : و الله طلعت هالفكرة برأسنا أنا و ميشيل و نحن عم نسجل و حكينا شوي بهالموضوع و مزحنا كثير أتاري هو كان عم يسجل هالحكي و حطه بالإعلان هي كل القصة / يضحك /

باسل : على كل حال في أشياء مهما حاولنا نغش فيها ما رح تزبط و خصوصا يلي كانوا عم يسمعوا برنامجنا على مدى شهر و نصف بفترة التصويت كانوا بيعرفوا فئة نجم سوريا بكل جدارة كنت مسيطر عليها أكثر ،
عندي إيميلات كثير وصلوا و حرام ما أقرأهم لك أول إيميل بيقول : هاي أنا بصوت للنجم الرائع شادي أسود و لأغنيته الميزة جدا كوني أكيدة من هبة ، على كل شادي علاقة مميزة جدا بين الفان كلاب تبعولك و بينك ، شو بتخبرنا عنها ؟

شادي : / يضحك / يمكن صرلي أكثر من شهرين ما عملت تشات مع حدا بس علاقتي كثير كانت مميزة معهم بحيث أنه كان كل واحد منهم يحكي معي ع التلفون أو يبعتولي مسج و يعرفوا أخباري و على فكرة أكثر شغلة كنا نتواعد عليها هي انو نضل نحب بعضنا و نحب غيرنا مثل ما منحب بعضنا هذا الشي كبر الفان كلاب تبعي و الحمد لله

باسل : خلينا نأخذ أول اتصال من خولة ، حكت مع شادي و سلمت عليه و باركتله بالعيد و

باللقب باسل: في اتصال في اس ام اس ثاني من نور سلمت على شادي و أبدت إعجابها و حبها له و لهادي كمان في اس ام اس تاني بيقول:

هاي باسل ، شادي أسود ملك و بس أشتقتلك موت شو أخبار ألبومك يا شادي ، نسرين من سوريا أكيد رح نحكي عن الألبوم ، في اتصال كمان من أمينة سلمت عليه و باركتله باللقب

باسل : عندي إيميل / قرأ الإيميل يلي أنا بعته لشادي / بيقول
شادي حبيب قلبي و روحي و عمري كيفك أنا كثير مشتاقتلك أبو الشود عرفنا انو الألبوم بدو ينزل بهالفترة حابة أعرف أي أغنية رح تصور كليب و وين رح تنزل على أي فضائية و أخيرا بدي قول عيد أضحى مبارك لك و لأهلك و خاصة والدك و لهادي و لكل أعضاء الجروب و خاصة سلاف مسؤولة الجروب و لمحمد و أحمد خضر أكبر تحية: تحياتي مدمنة شادي و هادي

باسل : رح نأخذ اتصال كمان ، شادي مقاطعا : تانكيو علياء، أنا يلي كنت على الخط و دار هالحوار بيني و بين شادي

باسل : ألو هاي ، أنا : ألو هاي كيفك باسل ؟

باسل : يسعد لي هالمساء مين معي ؟ أنا مدمنة شادي و هادي علياء

باسل: علياء ؟؟!!! / و شادي يضحك / معقول عم نقرأ الإيميل تبعولك يا عليا

أنا : أنا بعتلك كثير اليوم يا باسل ،

شادي : و عم أقرأ الاس ام اس كنت قبل شوي ع التلفون يا علياء / و يضحك /
أنا يخليلي ياك يا رب ، شادي : كيفك يا علياء ؟

أنا : أنا كثير مشتاقتلك ، شادي ؟؟؟

شادي ، أي حبيبتي ،

أنا : شادي أعرفتني و لا لأ ؟؟؟

شادي : هلأ بالصوت أول مرة بحكي معك ،/ أنا أقاطعه : أي أكيد / بس بالوجه؟؟؟؟؟؟

أنا : أنا شفتك من فترة بحارة مطعم الفن تاون بالمشروع ، / شادي قاطعني : الفن تاون؟؟؟ / كنت شاري السيارة الجديدة ،

شادي : أي مزبوط أتذكرتك ، أنا : شادي مبروك ع السيارة الجديدة حبيبي ، / باسل قاطعني : بيعناه السيارة الجديدة يا علياء و نضحك / أي و مبروك ع السيارة الجديدة نيسان إنفنتي

شادي :شكرا حبيبتي أتذكرتك و كنت بالسيارة مع أخوك يمكن ، أنا : أي مزبوط

شادي : مزبوط أتذكرتك منيح ، أنا : شادي ألف مبروك حبيبي على المركز يلي أخذته ،

شادي : تانكيو يا علياء شكرا

أنا : ما بعرف شو بدي قول أنا عم أرجف و قلبي كثير عم يدق ما بعرف شو بدي قول مشان ما طول على الباقي

شادي قاطعني : أنا يلي ما بعرف ما بعرف شو بدي قول و كيف بدي رد على محبتكم لي وعلى تصويتكم باريت في طريقة أقدر رد فيها بس ما بعرف

أنا : أنت بس تكون ناجح و نحن عم نسمع صوتك هذا أكثر شي بتقدر ترد لنا ياه يا قلبي

شادي : شكرا يا علياء كلك ذوق حبيبتي ، أنا : ما بعرف شو بدي قول أنا بحبك كثير كثير و بدي بس وجه تحية من بعد أذنك لكل جروب شادي الكل و بالأخص سلاف لأنه هلأ حكت معي و هي ما عم تقدر تسمعك بس أنا بوعدها أني عم سجل اللقاء ، شادي : أتشكر يلي ياها لسلاف كثير و أنا كمان بدي قول بحبهم من كل قلبي للجروب ،

أنا قاطعته : و نحن كثير و الله منحبك ،

رد علي شادي : الله يخليكي و شكرا باسل : شكرا يا علياء و أهلا و سهلا فيكي

باسل : أيضا عندي أيميل بيقول
كل هذا الحب لك أيها النغم الحالم يكفي أن يطرق مسامعنا صوتك العذب
أنت أنشودة حب و فرح و موسيقى تجتاح الآفاق الصامتة
إحنا في انتظارك أيها الأمير القادم من دنيا الحب إلى دنيا الفن أنت في أعماقنا و لن ننساك أبدااا

شيرين محمد من القاهرة تحياتي لك يا شيرين صديقة دائمة للبرنامج

شادي : شكرا حبيبتي شيرين شكرا لك

باسل : رح نأخذ اتصال من هلا حكت مع شادي و سلمت عليه،،

باسل : شادي بعد 3 سنوات من سوبر ستار برصيدك في أغنيتين و كليب قليل طبعا بس ما بتقدر تقنعنا انو ما في شركة إنتاج منيحة لأنه معروف انو شادي أسود هو مشروع ناجح لأي شركة إنتاج شو السبب انو ما في شركة إنتاج؟؟؟

شادي : هو في ألبوم جاهز بس متى بدو ينزل كنا عم ننتظر الوقت المناسب بس صارت الأحداث يلي عم نشوفها كل يوم و القصة مجرد تأخير مو أكثر ،

باسل : طيب و بالنسبة لكليب كوني أكيدة يلي أنحكى عنه و ما أتصور شو القصة؟

شادي : لأ و أنحجز موعد التصوير كمان بس ما أتصور ،

باسل : على كل حال أسئلة كثيرة عم تدور حول الألبوم حكيلنا عنه شوي ؟؟

شادي : أنا بعد العيد فورا متجه على الأستديوهات ببيروت لحتى يخلص الألبوم بس باقي انو حط صوتي على الأغاني و بعدين بدي شوف أي أغنية بدي صور كليب يعني حسب الأغنية يلي بتلبقلي مع أنهم كلهم بيلبقولي لأني ما طلعت من ستايل تعي لعندي و كوني أكيدة ، و الموضوع بس موضوع وقت مو أكثر و أنا كثير معروف عني أنو كثير بأخذ وقتي بشغلي

باسل: على كل نحن بانتظاره بس رح تكون تعي لعندي و كوني أكيدة ضمن الألبوم أو رح تعتبرهم لوحدهم ؟؟

شادي : لأ رح يكونوا لوحدهم خلاص لأنه صار في 9 أغاني يمكن نزل منهم 8 و نعتمد وحدة نزلها لوحدها كمان

باسل: شادي تابعت سوبر ستار الجزء الحالي؟؟ و عجبك شي صوت أو لفت انتباهك شي صوت من الموجودين ؟

شادي : تابعت حلقة واحدة بس للأسف لأنه كنت كثير مشغول بأوقات عرض الحلقات و تزامنت مع الأحداث يلي عم تصير ما عم تخلينا نشوف شي و خاصة إني أنا من الأشخاص يلي كثير متابعين إخباريا و أكيد عجبتني كل الأصوات بس أنا بحب شهد برمدا من وقت يلي كانت صغيرة بسمعها و بعرفها و بقلها كل عام و هي بخير و السنة الجاية تحملها الخير و تشوف حظ حلو ،،،

باسل : كنت بتتمنى تكون بهالجزء من البرنامج أو بتعتبر انو الجزء الأول من سوبر ستار ما رح يتكرر سواء بنجومه أو بحماسة الجمهور له ؟؟

شادي : بالزبط بالزبط لأنه خليني خبرك شغلة كل شي بأوله أحلى الشي بيكون يعني نحن كنا ع طبيعتنا بأول البرنامج يعني الناس شافتنا ع طبيعتنا و ع طبيعة البرنامج كمان أما الباقي يلي إجوا بعدنا عرفوا البرنامج و بعض الناس صارت بتقدر تتصنع و ما تكون ع طبيعتها بس مو الكل طبعا لأنه في أشخاص عايشين على طبيعتهم و كأنه البرنامج بأوله،

باسل : رح نكون مع محطة غنائية و منرجع . ( حطوا تعي لعندي و صار شادي يغني مع الأغنية)

باسل : عندي مجموعة كبيرة من الاس ام اس رح اقراهم كلهم

Sms 1 : عمري و حياتي و حبيبي و نور عيوني تقبر قلبي يا أبو الشود يا ملك روحي أنت يا قمر بحبك / ميرا /

Sms2 : هاي شادي أنا كثير بحبك و مبروك يا أبو الشود يا ملك و ممكن نسمع مقطع من كوني أكيدة / كاتي /

Sms3 : مسا الفال حبيب قلبي شادي بدي منك تغنيلي معقول لفضل شاكر / دندون /
و شادي فورا لبى الطلب و غنى معقول ، باسل : ما بدو عزيمة شادي ما شاء الله ، / شادي يضحك /

باسل : رح آخذ كمان بعض الاتصالات من إيمان حكت مع شادي و سلمت عليه و باركتله على المرتبة الأولى و عايدت عليه ، باسل : عندي اس ام اس من كاتي بيقول شادي بحبك أنا كثير و مشتاقتلك بدي شوفك و كون أكيد أنت سوبر ستار كل العرب ،

باسل : رح نأخذ كمان اتصال من خولة حكت معه و طلبت رقم موبايله

باسل : إيميل كمان مرحبا كيفكم يا أحلى إذاعة كيفك باسل أنا حابة هنيكم على البرنامج الرائع و الإذاعة الأحلى و حابة سلم على أحلى نجم بالعالم شادي أسود و قول له نحن كثير منحبه و ناطرين الألبوم على أحر من الجمر و بدي أطلب طلب من أبو الشود انو يبعت سلام لأحلى جروب الجروب تبعه و كمان يبعتلي سلام كمان و بترككم بأمان الله رورا من السعودية من جروب شادي أسود .. ،

شادي : يا رورا من كل قلبي بقلك شكرا لك و لكل الجروب و إن شاء الله قريبا رح تسمعوا الألبوم ،

باسل : رح نأخذ اتصال من مروة حكت معه و سلمت عليه و حكت كمان أختها صفاء و حكت أختها الصغيرة إسراء و هو فرح كثير فيها ،، باسل : عندي لك سؤال شادي خبروني إنه في مشروع انتقال إقامتك للأردن شو القصة ؟؟ شادي أي هالقصة على الأغلب تزبط بنسبة 50% ،

باسل : بعرف انو النجوم بينتقلوا للبنان أو لمصر بس الأردن ما بعرف شو السبب ؟؟ لأنه بالأردن قادر كون على تواصل مع سوريا و لبنان و مصر بوقت واحد و كمان لأنه شركة الإنتاج من الأردن و في كل الوسائل للفنان لحتى ينتشر و بعدين أنا بدي أفتح هون بسوريا لي مكتب خاص ،

باسل : على كل حال كتار من السوريين بيتمنوا لك هالشي يا شادي ؟ شادي ، أي أكيد و أنا بتمنى هيك بس حكم الإنتاج على المطربين / و يضحك /







يتــــــــــــــــــــــــبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
أكتر وحدة بتحبهم بلعالم
عضو نشيط
عضو نشيط
avatar

انثى عدد الرسائل : 141
تاريخ التسجيل : 04/01/2008

مُساهمةموضوع: شادي في المدينة تغني نجم سوريا 2005   الثلاثاء فبراير 12, 2008 6:58 pm

باسل : إنتو عرفتوا مين طلع نجم سوريا لعام 2005 و هو النجم شادي أسود ضيفنا خلونا نعرف مين هي نجمة سوريا لعام 2005 و هي النجمة رويدة عطية . تم الاتصال برويدة وحكت مع شادي وهاي أبرز يلي حكوه مع بعضهم

شادي : كيفك أنا مشتقلك كثير ؟

رويدة : مشتاقتلك شادي و ألف مبروك على اللقب يلي حصلت عليه بتستاهل كل خير

شادي : و ألف مبروك لك كمان على اللقب و أنت بتستاهلي و أنت بتعرفي قديش أنا بحبك ، أنا بدي قول شغلة رويدة الوحيدة يلي ما بتقطعني أبدا و ما منقطع بعض أنا وهي على طول يا أما زيارات أو ع التلفون أو اس ام اس وع الأغلب أنا مقصر شوي / يضحك /

رويدة : و الله شادي ما في منه حتى والدته لشادي الله يطول بعمرها .( شادي يقاطعها أي عرفت ضاربة صحبة مع أمي من ورايي / يضحك/ ) على طول بتتصل فيي و بتخبرني إنه شادي مسافر و بتعايدني كلها ذوق و إن شاء الله بينعاد عليها بالخير ،

شادي : و أنت كمان ينعاد عليكي و على أهلك بالخير حبيبتي

باسل : شكراا رويدة و ينعاد عليكي ... متابعين معكم اللقاء المميز مع نجم سوريا لعام 2005 النجم يؤبوش
( أخذوا فاصل صغير و بعدها حط الإعلان تبع المقابلة )

باسل: رجعنا مع المدينة تغني و مع النجم السوري شادي أسود
في كثير نجوم بهالدنيا بس أنت القمر الوحيد شادي كاتي كثير بتحبك يا شادي هيك كتبت بالاس ام اس

اس ام اس تاني بيقول تؤبوشني يا أبو الشود و إن شاء الله ما بيكون معك بنت بالكليب الجديد لأني بغار / عبير /

شادي يضحك

باسل : سألوا كثير انو هلأ موجة الأغنية الوطنية انو شادي وين الأغاني الوطنية وين الحس الوطني عندك ؟؟

شادي : أنا معروف عني قديش أنا وطني لدرجة إنه مسموم بدني السمة اللئيمة لدرجة انو ما عم أقدر سجل السيدي

لهلأ بس بالنسبة للأغنية الوطنية أنا لما بدي شوف أغنية وطنية أو قدمها لازم حب الموضوع و الفكرة يلي رح تتقدم فيها الأغنية و أنا دعيت لحتى أشترك بالعمل الجماعي بس ما كان على قد أنا ما بحب يكون العمل الجماعي مقدم و خاصة بأغنية وطنية و إذا ما كانت بصورة حلوة ما فيني قدمها لأنه أنا عم كافح يعني أنا كنت عسكري لما طلعت على سوبر ستار وخدمت جيش وبعرف شو يعني وطنية لأنه الوطنية مو بس أغنية لأ الوطنية بالقلب أكيد و أنا بحب انه الأغنية الوطنية ينتعب عليها غنى أغنية وطنية و هي أنا سوري و أرضي عربية

حطوا مقطع من أغنية قصر الشوق لمروان خوري وهون سأله باسل : شو بتعنيلك هالأغنية شادي ؟

شادي : هي الموسيقى بالأصل كانت حلمي أنا و كان في عندي أغنية هلأ حتنزل نفس الستايل و على أساس حكيت مع الموزع مشان تكون نفس الستايل بس هو شافها بغير رؤية فأطريت إني وافق و غنى مع الأغنية

باسل : شادي أجب بنعم أو لأ ( شادي قاطعه قبل ما يكمل السؤال و مازحه و قال له لأ و ضحكوا)

شادي عم تعيش قصة حب أو لأ ؟؟؟

شادي : أي نعم نعم من القلب نعم ،

باسل : في وحدة شايف فيها أم أولادك ؟؟

شادي : أي نعم / و يضحك /

باسل : أكيد نصف أو لأ مو نصف 90% من الصبايا عم يقولوا نيالها / و ضحكوا /
عندي اس ام اس بيقول باسل أنت لوحدك مجنني كيف إذا كان معك شادي أنا / آلاء/ ،

شادي : هاي آلاء
واس ام اس ثاني شادي أنت بتعقد و بتستاهل لقب نجم سوريا هالسنة وكل سنة / صفاء / كمان رح نأخذ اتصال من دلع حكت مع شادي و أبدت إعجابها فيه و باركتله باللقب و طلبت منه يغنيلها مقطع من أغنية راغب علامة عنجد بقلك عنجد و حطوا الأغنية و غنالها ياها شادي و بعدها حطوا مقطع من أغنية وائل كفوري بحبك أنا كثير و غنى شادي مع الأغنية و هون سأله

باسل : شادي حبيت اللوك الجديد لوائل كفوري ؟؟ شادي : هو حلو شو ما عمل حلو ، أتخيل و أنت عم تسمع صوت وائل كفوري تخيل وائل عم يغني أغنية هيفاء وهبي مثلا مع احترامي للاثنين طبعا / و يضحك /

باسل : يعني معقول ينزل ألبوم وائل كفوري يغني هيفاء وهبي مثلا على ستايل مثلا وائل جسار يغني أم كلثوم !!

شادي : يعني بهالوضع يلي نحن فيه كل شي مو غريب / يضحك / ،

باسل آها طيب رح نرجع للموضوع بس عندي إيميل بيقول العيد فرحة قلب و إحساس .. و أيام الفرحة تلالي .. العيد حب الناس للناس ..فيه بيلتقي غالي بغالي .. هاي كل عام و أنتم بمليون خير عيد سعيد و أكيد أحلى معايدة لأحلى شادي أسود و كل عام و هو بخير و إن شاء الله من نجاح لنجاح و نشوفه نجم ينور سما الفن و الغناء / ميس العبيدي من العراق / ،

شادي : شكرا يا ميس و إن شاء الله بدعمكم هيك منضل مثل مو أنتم شايفيننا ،

باسل : هات نرجع لهيفاء أول الشي بتحبها لهيفاء أو لأ ؟

شادي : أي طبعا طبعا بحبها و هي بتحبني ،

باسل : هات لشوف كيف ممكن وائل يغني لهيفاء و هبي ،

شادي : غنى و قلد كيف ممكن وائل كفوري يغني لهيفاء وهبي أغنية أنا هيفا أنا ،

باسل : الله شو هالحلا ،

شادي : على فكرة بالإعلان حاطينها كيف هيفاء إذا غنالها السوبر ستار راغب علامة كيف بغنيلها و غنى و قلد كيف ممكن راغب علامة يغني لهيفاء وهبي أغنية أنا هيفا أنا و دخل منها لأغنية يا بنت السلطان / و ضحكوا / ،

حطوا أغنية لما بتكوني معي لعاصي حلاني و علق شادي و قال : انو هالأغنية من ألحان نهاد نجار و غنى مع الأغنية

و هون باسل قاطعه و هو عم يغني و سأله : معقول شي مرة عاصي يغني لهيفاء و هون شادي غنى و قلد كيف ممكن عاصي الحلاني يغني لهيفاء وهبي أغنية أنا هيفا أنا و كمل الأغنية مع عاصي ،

باسل : خلونا نأخذ مجموعة من الاتصالات و أخد أول اتصال من هديل و أبدت إعجابها فيه و سألته عن دراسته و خبرها انو هو دارس معهد تجارة و طلبت منه يغني أغنية لحسام مدنية بصوته لأنها هي من معجبات حسام مدنية و سألته إذا بيحب حسام مدنية قال لها أكيد بحبه و هو صديقي أصلا و حكت معه أختها و سلمت عليه و حطوا أول الشي أغنية أحلى ملاك لحسام مدنية

و هون قال شادي : أنا بحب أغنية غايب يومين كثير حلوة

و هون سأله باسل : كيف علاقتك مع نجوم سوبر ستار بشكل عام ،

شادي : أنا صحبة مع مهند مشلح و آخر مرة سهرنا سوا كانت عند علي الديك و كمان أنا صحبة مع حسام مدنية يلي من فترة قصيرة تغديت أنا وياه و على طول منلتقي ، ( و حطوا أغنية غايب يومين و غنى شادي مع الأغنية)

باسل : عندي إيميل بيقول : أنت نجم العرب مو بس سوريا شادي و نحن معك لآخر المشوار و منحبك كون أكيد و لعيونك كل شي بيهون و منتمنى نشوفك بالخليج بحفلات و كل عام و أنت بألف خير ألف مبروك و عقبال العالمية شكرا / هنادي سورية مقيمة بالإمارات / تحياتنا لك يا هنادي ،

شادي : شكرا كثير يا هنادي

باسل : شادي شو أخبار الحفلات كان في عندك مجموعة حلوة من الحفلات شو بتخبرنا عن أصدائها ؟؟

شادي : كنت بالعيد بعيد الفطر ثاني يوم العيد كان عندي عرس و رجعت رحت ع الأردن كان عندي مقابلة و على رأس السنة كان عندي حفلتين بالأردن بالإفريست و بالمريديان بعمان و الحمد لله كانوا كثير حلوين من أحلى الحفلات يلي صارت بالأردن و حكى فيها الإعلام الأردني و التلفزيون الأردني و الحمد لله على كل شي و هلأ كمان يمكن رح كون هون بسوريا على عيد الحب و على عيد السيدة كمان إن شاء الله و أنا ما كنت بدي أعمل حفلات هون بسوريا لحتى نزل الألبوم و كل شهر بقول هالشهر بدي نزله بتأخر و صرلي زمان ما عملت حفلات هون بسوريا و أنا متشوق أعمل حفلة بسوريا ،

باسل : مع مين تعاملت بالسيدي؟؟

شادي: ملحنين في الأستاذ نهاد نجار و هو أكيد نجم سوري..

باسل قاطعه : أي أكيد و الناس كثير عم تسأل انو ياريت شادي يغني باللهجة السورية ؟

شادي : أنا ما بحس إنه اللهجة مشكلة لأ عادي لأنه بالأغنية في كلمة و في لحن و في إحساس يعني اللهجة مو كثير مهمة المهم الكلمة المفهومة يعني أنا أوقات بغني جبلي و مصري و سوري و لبناني و خليجي بحفلاتي و بغني قدود حلبية يعني بغني كل شي ما عندي مشكلة مع اللهجة ،

باسل : طيب شو يلي بيزعجك بالوسط الفني السوري ؟

شادي : انو نحن ما عنا تقنية عالية و ما فينا ننافس أي حدا إذا ما كان عنا تقنيات عالية و دقة بكل شي ، ( حطوا أغنية من زمان مهند مشلح و شادي غنى مع الأغنية و بعت تحية لمهند) ،

باسل : شادي رأيك ممكن هالوجوه الجديدة تعمل وسط فني و تصير الأغنية بسوريا مهمة مثل الدراما ؟

شادي : فينا نصير أكثر من هيك لما بيتقدم لنا الدعم الكافي الدعم الحقيقي مو بس بالحكي وعنجد أنا كثير بفرح لما بكون بدول أخرى و بسمع حدا عم يسألني و يخبرني عن الدراما السورية و إنها ناجحة كثير أنا عنجد كثير بنبسط ، باسل : طيب شادي ممكن شي مرة يخطر ببالك تمثل ؟

شادي : هلأ أنا بمثل ما عندي مشكلة بس ما كثير بعرف مثل لأني بحب كون على طبيعتي أكثر ،

باسل : شادي أسود كثير عندك إيميلات رح أعطيك ياهم تقرأهم و ترد عليهم بطريقتك و بعدها أخذوا فاصل بس قبل الفاصل طلب شادي انو يحطوا بعد الفاصل أغنية بيستاهل قلبك يلي غنى مقطع منها

(حطوا إعلان المقابلة تبع شادي)

باسل : رجعنا معكم و متابعين المقابلة المميزة جدا مع نجم سوريا لعام 2005 شادي أسود (حطوا مقطع من بيستاهل قلبك و غنى شادي مع الأغنية

باسل : شادي لك عندي اس ام اس كثير لذيذ بيقول ألا ليت الذي خلق العيون السود جعل القلوب السود جعل القلوب الخافقات حديدا / نورا و يارا / و قلي هاي بليز و نيالها يلي ببالك و تقبر قلبي إن شاء الله يا قمر بحبك ،

شادي : هاي نورا هاي يارا و لك تقبروني إنتو و هالحكيات الحلوين من وين عم تجيبوهم ما بعرف أنا إذا قعدت شهر ما بعرف أكتب كلمتين ورا بعضهم هيك ،

باسل : كمان في اس ام اس :
في ناس غلاها مثل الفجر عابر إلا شادي و باسل غلاهم مثل البحر ما له آخر / آلاء /

شادي : شكرا يا آلاء ،

باسل : عندي اس ام اس ثاني كل عام و أنتم بخير و عقبال الفرحة الكبيرة يا شادي أنا بحبك كثير و كثير بحترمك / مريم / ،

شادي: شكرا مريم ، ( حطوا مقطع من أغنية نجوى كرم بالمي لا ترميني و غنى شادي مع الأغنية )

و قال شادي : انو هو بيحب أغنية بنوب لنجوى كرم و غنى مقطع منها

باسل : و صادفت هي الأغنية إنها من كلمات و ألحان مروان خوري هيأتك معجب بكلماته و ألحانه ؟

شادي : أي هو لأنه ستايله بينحب من كل الناس لأنه الكلمة الحلوة مع اللحن الحلو بيطلعوا شغلة كثير حلوة عنجد

باسل: ما صار في فرصة إنه تتعاونوا مع بعض ؟

شادي : لأ بس بتمنى يصير في تعاون

باسل : باسل بيقولوا انو شادي في نوع من الأغاني و يلي هو الجبلي عم تحاول تبعد عنه ليش ؟

شادي : هلأ الجبلي حلو كثير و أنا بغني جبلي و بقول موال بس بوقتها و ما بحب الزيادات يلي بتصير ،

باسل : بس في رأي بيقول إنه المطرب شو عنده غير صوته لحتى يقدمه ؟ شادي: عنده إحساسه أهم من صوته

باسل : بتعتبر إحساسك بيغلب صوتك أو بيمشوا سوا ؟ شادي : بيمشوا سوا و إحساسي شوي مميز عن صوتي

باسل : طيب وائل كفوري عنده صوت قوي كثير و بنفس الوقت بيغني بإحساس كثير حلو ؟

شادي : أي أكيد عنده الاثنين و كمان مثل صابر الرباعي و فضل شاكر عنده الثلاثة الإحساس و الصوت و التكنيك العالي يلي ما حدا عنده مثله ، باسل : شو سمعت ألبومات هالسنة و عجبتك ؟؟

شادي : الكل : وائل كفوري ، فضل شاكر ، حسام مدنية ، عاصي الحلاني ، راغب علامة ، مروان خوري ، نجوى كرم أصالة يلي عشقتها أنا و أغنيتها آسفة بحسها لي / و يضحك/






يتــــــــــــــــــــــبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
أكتر وحدة بتحبهم بلعالم
عضو نشيط
عضو نشيط
avatar

انثى عدد الرسائل : 141
تاريخ التسجيل : 04/01/2008

مُساهمةموضوع: شادي في المدينة تغني نجم سوريا 2005   الثلاثاء فبراير 12, 2008 7:01 pm

باسل : باعتبار وصلنا لنحكي عن أصالة بدنا نقول انو هي طلعت أفضل نجمة عربية لعام 2005 و في كثير إيميلات وصلوا عم يطلبوا إنك تغني لأصالة شو بتختار أغنية قريبة لقلبك و بتغنيها ؟

شادي : آسفة أكيد / و يضحك / و غنى أغنية آسفة ،

باسل : عندي اس ام اس بتقول قلبك كل خير يا قلبي قلي بحبك / كاتي / ،

شادي : بحبك كثير يا كاتي
اس ام اس ثاني بيقول هاي أنا مايا نحن كثير منحبك و عم نستناك بالدقيقة فيني آخذ رقمك ؟

باسل : شو شادي بدنا نعطيهم رقمك أو لأ ؟؟

شادي : / يضحك / مشان الرقم يعني أنا كل فترة بغير الرقم مو لأنه
هواية بس لأنه أغلب الوقت بكون برا البلد و بس كون مسافر أغلب الوقت ما برد بس هم بيفكروا إني شايف حالي بس أنا و الله بكون مشغول يا أما عم أسمع لحن أو عم سجل أغنية أو عم أتفق على شي يعني على طول مشغول

باسل : يعني الحمد لله معجبينك كتار لهيك رح نعطيهم الويب سايت الخاص يلي بيقدروا من خلاله يعرفوا كل أخبارك و يقدروا يبعتولك إيميلات كمان و هو الويب سايت
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

باسل : مع الأسف وقتنا خلص معك شادي بدي أتمنى انو كل الناس يلي كانوا ناطرينك حبوا اللقاء معك

شادي : تعجز الكلمات عن شكري شو بدي قول غير شكرا طبعا و كيف حاسس أنا ما رح أقدر خبركم لأنه هاد شي أكبر من أنو أوصفه ما بعرف أحكي ما عندي كلمات مناسبة لهالموضوع أنا بقول أنه من كل قلبي أنا بحبكم عنجد و في حكمة أنا برددها على طول بتقول التواضع لله يعليك و ملأ السنابل تنحني بتواضع والفارغات منها شوامخ

و إن شاء الله يا رب بضل عند حسن ظنكم و بضل مبيض لكم وجوهكم مع أنه أنا متكسلن شوي بموضوع الإنتاج والسيدي بس لكل وضع ظروفه و يا رب عن قريب بتسمعوا السيدي
أنا بشوف حالي فيكم مثل ما أنتو بتشوفوا حالكم فيي بمعنى المحبة طبعا و بحبكم

باسل : شادي بدي أشكرك على المقابلة الظريفة ببرنامجنا باسمي و باسم كل مستمعي المدينة إف إم و المدينة تغني

شادي : أنا بدي أتشكرك باسل على الهوا و بدي أتشكر كل يلي معنا هون و يلي تعبوا و أتشكر مدير الإذاعة و إذاعة المدينة و بقلهم من كل قلبي انو برافو عليكم و هاد الشي بيكبر القلب و بيرفع الرأس لأنو يكون في هيك أشخاص و في هيك مشاريع ناجحة بسوريا إن شاء الله للأمام و نعطي صورة أجمل من أجمل الصور يلي ما حدا بيعرفها عنا و نغير الصور يلي كثير ناس آخدينها عنا و إن شاء الله الخير للأمام

باسل : شكرا شادي أنا كنت اليوم سعيد بوجود ضيفنا نجم سوريا لعام 2005 شادي أسود يلي بشكره من كل قلبي على حضوره الليلة و شكرا لكل المستمعين باسل محرز بيقلكم باي.. و ختموا اللقاء بأغنية كوني أكيدة

منقــــــــــــول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
جنوني شادي وهادي
عضو على وسام الشرف
عضو على وسام الشرف
avatar

انثى عدد الرسائل : 427
العمر : 30
البلد : الـــســـعوديه
تاريخ التسجيل : 04/02/2008

مُساهمةموضوع: رد: شادي في المدينة تغني نجم سوريا 2005   الثلاثاء فبراير 12, 2008 10:29 pm

مشكوره حبيبتي ع المقابله اللي كتتتتتييييير بتجنن لاحلى ابو الشود..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://google.com
shada
عضو على وسام الشرف
عضو على وسام الشرف
avatar

انثى عدد الرسائل : 699
العمر : 27
البلد : الاردن
تاريخ التسجيل : 29/09/2007

مُساهمةموضوع: رد: شادي في المدينة تغني نجم سوريا 2005   الأربعاء فبراير 13, 2008 8:28 am

تسلم ايديك على هالمقابله اللي بتجنن
وان شاء الله السنه الجاي يكون شادي افضل مطرب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://launch.groups.yahoo.com/group/Shady_Aswad/
 
شادي في المدينة تغني نجم سوريا 2005
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» هوندا سيتى الجديدة
» العازفون على الألات الموسيقة الجبلية
» قرارات وزاريه بشان الضريبه على الدخل
» نصوص مرجعية مساعدة على تدبير الشأن التربوي
» البوم فيني رومي 2005 أجمل ما قيل في الحب

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــــــــــــــــات الاخـوين شــــــــــــادي وهـــــــــــادي اسود :: منتدى شــــــــــــــــــــادي اسود :: «(·´¯`·.·÷×اخر اخبار شـــــــــــــــــــــــــادي اسود×÷·.·´¯`·)»-
انتقل الى: