منتدى يجمع عشاق ملك القلوب شادي وامير الرومنسية هادي
 
الرئيسيةالبوابةمكتبة الصوربحـثالتسجيلدخول

شاطر | 
 

 جديد :حوار مقابلة شادي بعيد الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أكتر وحدة بتحبهم بلعالم
عضو نشيط
عضو نشيط
avatar

انثى عدد الرسائل : 141
تاريخ التسجيل : 04/01/2008

مُساهمةموضوع: جديد :حوار مقابلة شادي بعيد الحب   الجمعة فبراير 15, 2008 1:57 pm

مرحبا صبايا
لا تزعلو تقبروني اكيد ما شفتو المقابلة
لهيك عملت كل جهدي لعوضكم
بلاول لازم خبركم أنو هلحوارية كتبتها بصياغتي , يعني مو كلها حرفيا متل ما قال شادي في شغلات ناقصة بس ما في شي زايد
حاكم ما إسمع كل شي لأني كنت مسطلة بشادي وويلي بدي صور وويلي بدي احفظ شو عميقول
رح بلش من الاول

استضافة القناة السورية حبيبنا شادي يوم الجمعة 15/2/2008بمقابلة تلفزيونية نعرضت على الأرضية الساعة6المسا بمناسبة عيد الحب

المقدمة ما شفت غير آخرها وكانت عن بدايت شادي بسوبر ستار ومقتطفات منها
أول شي رحبت المزيعة بشادي بلقب سارق القلوب وكانو وقتها بمحل بيع ورد وهدايا حب

كيفك شادي؟
رد عليها بغنية ك كيفك إنتا ملا إنتا:
بتذكرآخر مرة شفتك سنتة
بتزكر آخر كلمة قلتا
وما عدت شفتك وهلق شفتك كيفك إنتا ملاإنتا
كيفك قال عمبقولو صار عندك ولاد
انا والله ككنت مفكرتك برات البلاد
كيفك0000

شو بيعنيلك الورد ؟
أنا كتير بحب الورد والورد شي أساسي بلحياة , ما بصير يمضى عيد بلا ورد
وكمان الورد بيجمع بين كل شرائح المجتمع وهو أبسط شي للتعبير عن الحب000

سألتو المزيعة عن عيد الفلنتاين
أنا كل يوم عندي فلنتاين , بس اطلع من بيتي و حدا بحبني بسلم علي وببتسملي بصير عندي عيد حب , أنا كل حياتي حب 00000

لمين بتهدي وردة الفلنتاين ؟
لأهلي ورفقاتي وكل الفانس يلي لساهم معي من بداياتي لهلئ (يعني إلنا ههههههههه)

وبعدين المزيعة جابت وردة حمرة وقدمتها لشادي هئ هئ هئ بس الحمدلله ما باستو
بعدين طلعو من محل الورد وفاتو لمحل شوكولا وسلمو عصاحب المحل

شادي بتحب الشوكولا ؟
الشوكولا متل الورد أساسي خصوصي عنا
متواجد بكل حياتنا يعني لما بيمرضلنا حدا بنجبلو شوكولا ولما بصح المريض كمان بنجيب شوكولا ولوا بنتجوز وإزا بدك كمان لما بنطلق بنجيب شوكولا ويضحكو 0000
وانا كتير بحبا بس لما باكلها باكل وراها هم كيف بدي احرقها مشان ما اسمن وقال نحنا بسورية كتير مشهورين فيها بدك تقولي بنجي بعد سويسرا بلجودة وعمنصدرها لبلاد برة (طبعا كانو عميحكو وعمياكلو شوكولا )

طلعو من محل الشوكولا وتمشو بسوق بالشام القديمة وفاتو بشارع ضيق (هنيك في كتير مقاهي بلبيوت العربية القديمة شادي كتير بحب هلأماكن وكان آخد المزيعة على مطعم بحبو وبتردد عليه يمكن ذكر اسمو تنورين وذكر كمان انولما تحسنت أحوالو نقل اقامتو على باب توما ) وعلطريق الحدييث التالي 0000000000

شادي بتحب تجي على هلأماكن وشو بتعنيلك , بقولو انو العشاق بجو كتير عليها؟
مظبوط كل العشاق بحبوها كتير لانها بنتحسسن بلإطمئنان و الحنية (اجواء شاعرية )وكمان كل يلي بحبو سوريا والشام بتحسي روحن معلقة فيها

شو بيخطرلك تغني بهلجو وهلمكان ؟
ذكر موقف بضحك صار معو عن هشغلة
قال مر كان طالع من مطعم بنفس المنطقة وهو ماشي عن عبالو يغني فسمعو رجال ببيع زجاج علبسطة (ودل عليه للمزيعة , كان بآخر الشارع ) قلو الرجال :صوتك كتير حلو ياابني روح قدم عسوبر ستار اكيد بتنجح (ما عرف شادي بلعتمة )
قلو شادي : اه بروح شو شادي اسود أحسن مني يعني
رد الرجال : فشرت عينو إنت أحسن منو ومن أبو ههههههههههه ويضحكو
بعدين غنا يا حبيبت قلبي ,حافظيها ولا لأ اوكي شطورين

كنت تجيب حبيبتك لهون ؟
هلأبس نفوت علمطعم بتسألي يلي بيشتغلو فيه إزا كنت بجيبها ولا لأ (المعنى انو كان يجيبها كتير آه نيالها)

بلمطعم :غنا غنية لابو وديع والله ما عرفتا
خلينا نرجع لطفولتك حكيلي عن اول حب بحياتك ؟
كان لما انتقلت من التامن للتاسع كنت حب بنت الجيران وكان ابي يجبلنا غراض كتير من بيروت أول شي كنت إملها حصتها وروح الصبح أعطيها ياهن قبل ما روح علمدرسة
بس صدقي كان حب صادق كتير انتهى بفترة معينة وعلى فكرة نفس البنت صادفتا من سنة تقريبا وهي هلق متجوزة وعندها ولاد لما شفتها ضحكت وتزكرت الايام الحلوة

آخر حب ؟
أنا من أكتر من سنة ونص أنهيت علاقة حب فاشلة بس ما بنكر انو تعزبنا انا وياها كتير أول شي ورفقاتي يلي ساكن معن بيشهدو (نسيت أسمائن يمكن اسماعيل و00000) كنت فيق بلليل لحالي واترك سيارتي صافة وآخد تكسي وانزل من بيروت علشام اطلب من امها شوفها هي ونايمة شوفها دقيقتين وارجع من دون ما فيقها

ليش انفصلتو ؟
أناقصرت شوي معها بلإهتمام وحرمتها من كتير شغلات من حقها متل الطلعة ولفوتة بسبب انشغالي وكمان الحرب على لبنان أثرت عنفسية شادي فتسبب بتوتر وجفا بينهم على هوا ما فهمت
فكان من الافضل للطرفين الإنفصال وذكر خلال الحديث أنو بعد فترة لاقا حالو ما بحبها !!
وغنا مقطع من رسالة من تحت الماء لنزار قباني وعبد الحليم :
لو اني اعرف ان الحب خطير جدا ما احببت
لو اني أعرف أن البحر عميق جدا ما بحرت
لو أني اعرف خاتمتي ما كنت بدأت

بقولو الحب أعمى شو رأيك ؟
لا انا بقول الحب أحول (هههههه)يضحكو ,يعني أحيانا بتحبي العيب بلشخص لانو ما بكون واضح كتير بلنسبة إلك بعد فترة لأ ,متل ما صار معي والإنسان بتعلم من تجاربو0000000000


عدل سابقا من قبل في الأحد فبراير 17, 2008 10:52 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
جنوني شادي وهادي
عضو على وسام الشرف
عضو على وسام الشرف
avatar

انثى عدد الرسائل : 427
العمر : 30
البلد : الـــســـعوديه
تاريخ التسجيل : 04/02/2008

مُساهمةموضوع: رد: جديد :حوار مقابلة شادي بعيد الحب   الجمعة فبراير 15, 2008 4:08 pm

بلييييييييييييزززززززز شو اسم البرنامج عنجد نيالك شفتي ابو الشود انا كتير زعلانه Crying or Very sad لاني ماشفتو حبيبتي ياريت اذا بتقدري تحط صور اللقاء نيالك والله لانك شفتي القمر ماطولي علينا بليز.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://google.com
أكتر وحدة بتحبهم بلعالم
عضو نشيط
عضو نشيط
avatar

انثى عدد الرسائل : 141
تاريخ التسجيل : 04/01/2008

مُساهمةموضوع: جديد :حوار مقابلة شادي بعيد الحب   الأحد فبراير 17, 2008 10:58 am

شو مواصفات شريكة حياتك ؟متل إمي
يعني كيف أنا مو شايفة إمك, حلوة ؟
حنونة و0000000000أنا بشكل عام ما بيعنيلي كتير الشكل بعلاقاتي العامة مثلا بقولو شوفو هي الماشية مع شادي مو حلوة او حلوة ما بهمني لأنو انابيجذبني بلبنت شخصيتها وعقلها
بس بعترف انو الشكل الحلو أساسي عند الزواج لاني مابدي فكر بس بحالي بدي فكر بولادي كمان كيف بدن يطلعو لعمامن او لخوالن0000بس انا موراسم بنت بزني هلأ وازا عجبتني بنت بروح بقلها إنتي عاجبتيني وبدي اتعرف عليكي بلأخير أكيد رح إرتبط ببنت ويقولو لابقتلو ولابقلها

إزا زعلت حبيبتك شو بتقلها ؟
ريتو يسلملي الزعلان 0000000000000

مين المطربين يلي بتسمعلهم ؟
انا بسمع شغلات ما بتخطر عبال حدا ,تسجيلات قديمة كتير لمطربين ما حدا بيعرفهم
(وذكر أسماء بعمري ما سمعتها وما حفظت منهم غير أحمد عدوية )
وكمان بسمع ابو وديع وهاني شاكر وعاصي000
شو بتسمعنا لعاصي ؟
بتقليد ولا بللا تقليد
بنعرف انك بتقلد منيح شادي؟
عمرك سمعتي هاني شاكر او وائل او راغب او عاصي عمبغنو لهيفا وهبى!
لأ يلى سمعنا إنت
وغنا (انا هيفا انا) بصوت واداء الاربع فنانين , عنجد كيف يجيب طبقة الصوت والملامح ما بعرف طققني من الضحك

عطيني رأيك ب:
هاني شاكر: لما شفتو دمعو عيوني ما صدقت أني شايفو وعمسلم عليه لأنو هو امتداد لعصر العمالقة عبد الحليم و000 وهو مثالي الأصح وقدوتي السليمة وبفتخر لما بشبهوني فيه
عاصي الحلاني :بحبو حب شخصي لأني لما كنت بعمر (يمكن قال 15 سنة )رحت لعندو عبيروت واستقبلني كتير حلو وأخدني معو كان عندو مقابلة علاوربيت
جورج وسوف :أول مين غنيتلوانا وصغير كان عنا حفلة وغنيت انا مسافر ياامي وهو اول مين خلاني حب كون نجم

الهوى سلطان متل ما بقول ؟
اكييد وغناها

بتدايق من الشهرة والمعجبات 000أو لما بقولو عنك مغرور ؟مية كلمة مغرور ولا كلمة مايع ,نسيت شوقال كمان بس ذكر الآية الكريمة "إن الله لا يحب كل مختال غرور " ومتل مابقولو الله لما بحب حدا بحبب خلقو فيه فما بصير لا انا ولا غيري نتدايق من محبت الناس

بتحلم بلعالمية ؟
صعبة كتير الفنان السوري يوصل للعالمية لانو همو الاكبر يوصل للعربية بلأول (يعني ينشهر عربيا )والعالمية مو انو انعرض جنب سلعة عالمية او اظهر باعلان عالمي لازم تكون العالمية بخدمة القضايا الإنسانية مثلا اني كون عضو بليونيسف وقتها بكون عالمي

شو مدى التاثير وقت بكون افراد العائلة بنفس المجال ؟يعني إنت وهادي بتغنو وتخرجتو من سوبر ستاركمان ؟انا وهادي ما بناثر على بعض لانو لكل واحد لونو ونحنا بنتقصد نختلف عن بعضنا بسبب الأحكام الغيابية يلي ملاحقتنا من اول ما بلشنا ,هدول بكرة أكيد بدن يغارو من بعضن وووإلخ وهلق اخي مازن داخل بلتمثيل وعمينحكى نفس الشي
وانا بشكل عام بحب بعد اهلي عن شغلي أد ما بقدر ,حتى لما بيجيني شغل عن طريق ابي برفضو ,ما بدي دخلن بهلقصص اهلي عندي اهم شي

وحكا شادي عن ألبومو من سحرك وعن تعي لعندي وسماها هويتو الفنية وغناها وغنا ياخي

احلامك المستقبلية
اوووووووووه كتيرة كتير اولهل يكون عندي بيت وولاد ربيهم منيح 000000 وشوف إخواتي كلن عمينجحو بحياتن على فكرة انا ابشع واحد بين إخواتي (ولي على البي انا ,ياشادي اذا إنت بشع مين الحلو لكان)

شومواليدك ؟ 8/8 ووزني 88 ورقم حظي 8 ورقم موبايلي كله تمانات بس طولي ماظبط معي يكون 180 ويضحكو

شورايك بنجاح الدرامة السورية ؟
بحبا كتيو ولو انها طغت علطرب السوري بس اكيد بفتخر باي نجاح لسورية

بدنا نختم اللقاء بصوتك الحلو ؟
بلاول بدي إشكركم على هلفتة الظريفة وإنشالله مزيد من النجاح
رح غني شي وطني أنا بحب راياتك بلعالي يا سوريا وغنا نصها شادي وكملوها بصوت صاحب الغنية (ما بعرف شو إسمو )مع صور للشام والإحتفالية بدمشق عاصمة الثقافة العربية

وبين الاسئلة كانو يحطو مقاطع لاغاني شادي بسوبر ستار وكليباتو الخاصة

هدا كله الموجز بس
انطروا النشرة بعدين



هههههههه لأ عمبمزح هاد كل شي تزكرتو
وتفضلو عقسم الصور بتشوفو القمر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
NAssiMA rou7 SHaDY

avatar

انثى عدد الرسائل : 13
تاريخ التسجيل : 10/02/2008

مُساهمةموضوع: رد: جديد :حوار مقابلة شادي بعيد الحب   الأحد فبراير 17, 2008 1:19 pm

THINK U 7abibet 2albi yeslamo dyatik wala law atolek ra7 bousek men hala2 labokra think uuuuuuuuuuuuuu
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com/profile.forum?mode=register&
afrah



انثى عدد الرسائل : 2
تاريخ التسجيل : 18/02/2008

مُساهمةموضوع: رد: جديد :حوار مقابلة شادي بعيد الحب   الإثنين فبراير 18, 2008 3:38 am

مرسي كتير على جهدك الكبير بس بليز ازا فيني اسالك ازا قال انو هلا عندو رفيقة و لا لا و شي تاني ما فهمت لما قلتي انو ما كان يحب رفيقتو مع انو وصف انو بحبها كتير بليز ازا فيكي تفهميني وعنجد كلك زوق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
رنوشة هادي
عضو على وسام الشرف
عضو على وسام الشرف
avatar

انثى عدد الرسائل : 601
العمر : 25
البلد : syria
تاريخ التسجيل : 05/11/2007

مُساهمةموضوع: رد: جديد :حوار مقابلة شادي بعيد الحب   الإثنين فبراير 18, 2008 5:43 am

ميرسي كتتير والله يعطيكي العافية عذابناكي معنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aswadsbrothers.phpbb9.com
alaa
عضو برونزي
عضو برونزي
avatar

انثى عدد الرسائل : 1369
العمر : 26
البلد : سوريا
تاريخ التسجيل : 01/10/2007

مُساهمةموضوع: رد: جديد :حوار مقابلة شادي بعيد الحب   الإثنين فبراير 18, 2008 9:15 am

يسلمو ايديكي حبيبتي رولا
وتعيشي وتجيبي يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aswadstars.tk
shada
عضو على وسام الشرف
عضو على وسام الشرف
avatar

انثى عدد الرسائل : 699
العمر : 27
البلد : الاردن
تاريخ التسجيل : 29/09/2007

مُساهمةموضوع: رد: جديد :حوار مقابلة شادي بعيد الحب   الثلاثاء فبراير 19, 2008 9:16 am

يسلملي شو دمه خفيف وهو على طول عسل
يا ريت لو اقدر لاقي المقابله او يرجعوا يعرضوها على الفضائيه
شكرا كتيييييير حبيبتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://launch.groups.yahoo.com/group/Shady_Aswad/
bleeding love
عضو برونزي
عضو برونزي
avatar

انثى عدد الرسائل : 1007
العمر : 30
تاريخ التسجيل : 06/10/2007

مُساهمةموضوع: رد: جديد :حوار مقابلة شادي بعيد الحب   الثلاثاء فبراير 19, 2008 4:23 pm

يسلمووو ايديك ع المقابله

وتعيشي وتجيبي ......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.hadi-aswad.com
M!sS BL
عضو على وسام الشرف
عضو على وسام الشرف
avatar

انثى عدد الرسائل : 479
العمر : 28
البلد : فلسطين الحبيبه
تاريخ التسجيل : 19/10/2007

مُساهمةموضوع: رد: جديد :حوار مقابلة شادي بعيد الحب   الأربعاء فبراير 20, 2008 5:42 am

يسلمووووووووووووو رورو عمري انتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yo2poshhadosh.ahlamontada.com
 
جديد :حوار مقابلة شادي بعيد الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــــــــــــــــات الاخـوين شــــــــــــادي وهـــــــــــادي اسود :: منتدى شــــــــــــــــــــادي اسود :: «(·´¯`·.·÷×اخر اخبار شـــــــــــــــــــــــــادي اسود×÷·.·´¯`·)»-
انتقل الى: