منتدى يجمع عشاق ملك القلوب شادي وامير الرومنسية هادي
 
الرئيسيةالبوابةمكتبة الصوربحـثالتسجيلدخول

شاطر | 
 

 مقابلة شادي في الإذاعة ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أريج
عضو دهبي
عضو دهبي
avatar

انثى عدد الرسائل : 2271
العمر : 31
تاريخ التسجيل : 28/09/2007

مُساهمةموضوع: مقابلة شادي في الإذاعة ..   الأربعاء أكتوبر 10, 2007 10:37 am

هذا حوار لقاء شادي أسود في إحدى لقاءاته بإذاعة ..



لان اغنيه يا خيي كانت بالمرتبه الاولى في برنامجtop 10

اتصلت مذيعة البرنامج ورد مع ملكنا شادي و هي كل التفاصيل :


كان شادي بطريقه إلى لبنان لإستكمال الإشراف على طريقة توزيع الألبوم
الجديد يلي أكد أنه رح ينزل قريبا جدا .

قدمت المذيعة ورد ، شادي بالكلام التالي :

شادي بصوتك في حنان و دفئ بيتوزع لكل العالم
و بإحساسك في رهافة و رقة كل عاشق عم يحلم
عم يحلم يشوف حبيبته
و يتغزل فيها و يعبر لها عن حبه و يقول لها
تعي لعندي بقلبي غلي نامي بعيوني و ما تفلي
بدي ياكي حدي تضلي و يلي بدو يصير يصير
الأغنية المرتبة الأولى لزينة شباب سوريا السوبر ستارز شادي و هادي أسود
و نقول للشب الحليوة شادي أسود مساء الخير شادي.

شادي : مساء الورد و الكرم الورد و الكرم الحلو يلي ما عم أعرف كيف بدي
رد عليه .

ورد : أهلا و سهلا فيك شادي باستديوهات إذاعة سوريا الغد .

شادي : خجلتيني ، أنا بحياتي ما خجلت هيك هي أول مرة بخجل ( و يضحك
كثيرا ) .

ورد : شادي بدي قلك شغلة أنه هي كلمات حب حقيقية من القلب للقلب من
محبينك و ما على الرسول إلا البلاغ أنا عم أوصل كلام كل الاتصالات و المسجات
من مستمعينا يلي بيحبو شادي.

شادي : لأنه أنا بحبهم كثير و الله بيعلم و الشغلة ربانية صارت لأنه أنا
بحبهم كثير عم يبادلوني المحبة بلا ما أنا أحس و بلا ما أشوفهم و بلا ما
يشوفوني و هذا فضل من الله بشكر الله عليه و مو شطارة مني أبدا .

ورد : الإحساس الصادق دايما بيوصل بسرعة ، شادي بدي قلك مبروك الأغنية يا
خيي بالمركز الأول .

شادي : الله يبارك لنا بهالمستمعين الحلوين و يبارك لي و لأخي طبعا
بهالتقديم الحلو يلي قدمتيني فيه كلك ذوق عنجد .

ورد : شادي قد ما نحكي و قد ما نقول هيدا كثير قليل يعني كفنان سوري
نحن نحبه و نتمنى له التوفيق بمسيرته الفنية .

شادي : شكرا .

ورد : أغنية يا خيي كثير مميزة حبوا المستمعين كثير كلماتها و لأنه
بتحاكي مشاعرنا الإنسانية و قيمنا و مبادئنا يلي ربينا عليهم ببيوتنا حب
الأخ لأخوه ، شادي كيف اجتكم فكرة الأغنية بزمن الماديات ؟

شادي : هلأ أنت جاوبتي أنت قلتي شغلة غريبة كل العالم بتعرف الحب
لحبيبته و لأمه و لأخته و ما حدا جاب سيرة الأخ بالمحبة مع أنه الأخ من يوم
يومنا منسمع ما ألك غير أخوك و الفكرة طلعت بصراحة بلحظة جفى بيني و
بين أخي هادي كانت لحظة صغيرة مو أكثر بلبنان كنت أنا وياه و طلعت
الفكرة مع أختي شيرين هي الأغنية من كلمات أختي شيرين .

ورد : شادي أنت كثير ذكي ، أنا كنت بدي أسألك كلمات مين الأغنية ؟ لوحدك
جاوبتني
( يضحكان )

شادي : هي كلمات أختي شيرين و هي بنفس الوقت محامية متلك و بنفس الوقت
عم تعمل كتاب لها باسمها رح يصدر قريبا إن شاء الله .

ورد : طيب الأغنية من ألحان مين شادي ؟

شادي :هي الأغنية من ألحاني أنا .

ورد : كمان !! شو هالمواهب يا شادي ؟

شادي : بكل تواضع طبعا هو لما بيكون في لحظة هيك بقلبك بتكون صادقة
بينك و بين حالك بيطلع شي أنت ما بتصدقيه فأنا بعد ما لحنت الأغنية ما
عرفت حالي أنا لحنتها كنت أقول للعالم انها ألحان غيري مشان إذا سمعوها
ما يقولوا كثير حلو و أنا ما أتفاجأ بحالي ملحن ( و يضحك )

ورد : لأ هيك صار تواضع العظماء شادي ؟!

شادي : ( يضحك كثيرا )
ورد : عنجد أنا كنت بدي اسألك عن ألحانها و كمان بدي قلك أنه أغنية يا
خيي نفت كل الإشاعات أو الأخبار يلي اتروجت لوجود خلاف بينك و بين هادي
أسود ؟

شادي : أي بالظبط و خاصة الأحكام الغيابية يلي طلعت مزبوط ، الحمد لله
الأغنية نفت كل شي .

ورد : الحمد لله بس أنا ما بعرف سؤال بدي أسألك ياه شادي معلش بس ما
تتفاجأ شوي هو بيهم كثير الصبايا يلي بيحبوك ، سمعت أنك تزوجت و ما
عزمتنا ( و تضحك )

شادي : ( يضحك كثيرا ) و الله ما بستاهل هالمحبة إذا ما بعزمهم إذا بدي
اتجوز طبعا ، أكيد فكرة الزواج كثير بعيدة هلأ .

ورد : ( ممازحة ) شادي أنا بنصحك تعمل عرسك بستاد العباسيين ( و هو
ملعب مشهور في دمشق) إذا بدك تعزم الكل ( و يضحكان )

شادي : يلا الله وايدك حواليكي وحدة حلوة يلا ( و يضحك )

ورد : شادي أنا بدي قلك مثل ما بيقولوا بالشامي أطلع من هالأبواب يعني (
و تضحك ) ناطرني لحتى أختار لك هلأ أنا ؟ ( و يضحكان )

شادي : أنا بحاول ما أضيع حياتي على حساب إني أنا فنان و أنا شغلي بفني
و بعمل أغاني حلوة و هذا الشي ما بيمنع إني أنا اشوف حياتي يعني مو
معقول مثلا ضل ما اتزوج للأربعين و بس يجيني ولد يكون عمره 20 و أنا يكون
عمري 60 ما أقدر أفهم عليه ، لأ أنا ياريت هلأ أنا بتجوز و بيجيني ولد و
ما عندي مشكلة إذا هالشي ما بيشكل خطر على المعجبين ( و يضحك كثيرا
كثيرا )

ورد : لخبرك شي شادي يمكن بدك تختار بنت كثير تكون متفهمة لطبيعة عملك
و شغلك ، ( ممازحة ) أحسن شي تتجوز محامية و شيرين بتدير بالها عليها و
بيمشي الحال ( و تضحك )

شادي : أوكي ، ( ممازحا ) ورد فينا نطلب إيدك هلأ ( و يضحك )

شادي : كنت عم اسمعك عم تقولي عم بحلم و عم يحلم هلأ انت كأنه حدا قايل
لك و فاسدلك أنه عندي أغنية اسمها عم بحلم ؟

ورد : عنجد عم تحكي لا و الله هيدا حدس بس عندي .

شادي : هي بعد تعي لعندي من كثر ما قلتلها تعي لعندي ( و غنى مقطع
منها )
خلاص عملت لها أغنية عم بحلم ( و غنى مقطع منها ) و هو :

عم بحلم أنك جاية عم بوعد حالي فيك
ما بتطلع بمراية إلا و فيها بلاقيك
قولك بعد بترجعلي .....
و هيك..

ورد : الله على هالصوت يا شادي الله يحميلك هالصوت .

شادي : الله يسلمك كلك ذوق .

ورد : أنا بتشكرك شادي أنك خصيتنا بمقطع من هالأغنية الحلوة الجديدة عم
بحلم .

شادي : ( يضحك ) هلأ عملنا لها كوني أكيدة جاية لعندك بس ما زبطت .

ورد : بتجنن كوني أكيدة كل أغنيك حلوة .

شادي : لأ ما زبطت ما كانت ترد عليي و تجي قمت عملت لها عم بحلم أنك
جاية فلنشوف الخطوة يلي بعدها شو هي ما بعرف ( و يضحك )

ورد : هلأ أنا واثقة رح تجي ركض بإيديها و رجليها بعد هالأغنية ( و
يضحكان )

ورد : شادي أنا كنت بتمنى وجودك معنا بالإستديو لكن أنت كثير مشغول .

شادي : و أنا كنت بتمنى كمان و الله .

ورد : كنت حابة اسألك عن صناعة النجم بسوريا أنه نحن ليش مقصرين بحق كل
الفنانين يلي أصواتهم حلوة ليه ما عنا شركات إنتاج تهتم بالمطرب مثل ما
بتهتم بالممثل يعني الدراما السورية ما شاء الله عليها برمضان كانت ناجحة
؟

شادي : هلأ أنا محبة العالم يلي بتشوفني و بتحكي معي و بيعبروا عن
مشاعرهم و عن محبتهم لي فأنا ما بحس كثير بالفرق لأنه الدنيا فرص يعني و
هلأ في مثل أنا مو كثير بآمن فيه بيقول مزمار الحي لا يطرب لأ مزمار الحي
يطرب و بيفرحوا أكثر من ما بيكون من برا بس نحن هلأ مثل ما كل الناس
بتعرف ضعفاء إعلاميا و لهيك بلشت تكثر عنا الإذاعات لأنه كانوا ملاحظين
هالنقطة و بس هلأ صار في خطوات جديدة و كثرت الإذاعات إن شاء الله بس الكل
يحافظوا على مستوى عالي و يكون بسوريا و لسوريا .

ورد : شادي يعني أنا عنجد مثل ما بقول بالعادة نحن منقدر و منحب
الفنانين العرب لكن الدم بيحن يعني كثير منحب الفنانين السوريين و منحب
انهم يأخذوا فرصتهم و إن شاء الله الكل بينالوا النجاح و يحققوا الإمتياز،
بدي أسألك شادي أنا اتصلت فيك لآخذ منك موعد اتصلت الساعة 11 الصبح و
استغربت أنه لقيتك فايق و قلت لك شادي أنه أنا بعرف الفنانين بيناموا
بالنهار و بيفيقوا بالليل استغربت أنه أنت رديت عليي و قلت لي أنه
بتفيق بكير شادي ؟

شادي : أنا روح قلبي الروحة و الجية و بحب الدوارة فبتلاقيني بنام بس
أتعب من السواقة و بفيق مشان أسوق فبضل أبرم بالبلد و هيك .

ورد : شادي بدي أوصلك تحيات كل الصبايا و الشباب يلي حكوا معي و سلموا
عليك و صوتوا للأغنية و أنه كلهم بيحبوك.

شادي : حبايب قلبي الله يسلمهم يا رب و يسلم قلبهم كلهم و أنا كثير
بتشكرهم أنا على الأقل بيصبروا عليي مع أنه أنا بمطمط و بتأخر شوي بشغلي
و الألبوم صار قريب كثير لينزل بس بقلك الموضوع أنه أنا عملت شي إن شاء
الله إن شاء الله بيليق بنطرتهم بيليق بما هم حابين ينتظروني و يسمعوني فيه
فإن شاء الله بكون عند حسن ظنهم.

ورد : شادي إن شاء الله الله بيوفقك بس أنا حابة أطلب منك طلب قبل ما نختم
لقائنا إذا بتسمعني مقطع من تعي لعندي .


شادي : ( غنى مقطع : الحب يلي بيني و بينك ......)

شادي : أنا عم أحكيكي ع طريق سفر و لهيك هلأ عم أمشي بالشارع و عم أحكي
معك و السيارات رايحة جاية جنبي .

ورد : ألو شادي سامعني شادي ألو ؟؟

شادي : أول معك عصابة اللهو الخفي ألو ( و يضحك )

ورد : ( تضحك كثيرا ) : شادي دير بالك و أنت عم تسوق ع الطريق .

شادي : و الله إذا فجأة عمل الخط ( طج ) يعني انقطع بيكون شي كميون لطشني
( و يضحك ) .

ورد : بعيد ألف شر على قلبك و أنا بدي أوصيك كمان تسلم على الفنان
الكثير منحبه هادي أسود .

شادي : هدهودة الله يسلم عمرك هو عم يعمل أغنية هلأ بلش بالألبوم تبعه و
صارت أول أغنية خالصة و إن شاء الله رح تنزل قريبا ع السوق و كثير حلوة
الأغنية و سلامي للكل و لكل يلي عم يسمعونا .

ورد : إن شاء الله الله يوفقكم يا رب شادي بدي آخذ منك وعد على الهوا أنه
نجتمع باستديوهات إذاعتنا سوريا الغد قريبا .

شادي : ايمتى ما بتحبوا و بيكون في وقت فاضي وهي عملية وقت بس مو أكثر
و أنا بتشرف و منكبر فيكم نحن .

ورد : شكرا لك شادي أخذنا من وقتك .

شادي : و لو خذوا من عمري قليل عليكم تكرم عينك .

ورد : بتشكرك و إن شاء الله بتصير نجم عالمي .

شادي : شكرا كلك ذوق حبيبتي .

ورد : شكرا لك شادي و موفق يا رب و سلم لنا على هادي ، باي.

شادي : شكرا لك و الله يسلمك باي باي .



عرضوا بعدها ريمكس لأغنية يا خيي و طبعا طول مدة الاتصال كانوا عم يعرضوا
بخلفية الاتصال أغاني :
يا خيي ، تعي لعندي ، كوني أكيدة ، بيستاهل قلبك .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
haneen
عضو مبتدأ
عضو مبتدأ
avatar

انثى عدد الرسائل : 70
تاريخ التسجيل : 27/09/2007

مُساهمةموضوع: رد: مقابلة شادي في الإذاعة ..   الأربعاء أكتوبر 10, 2007 11:16 am

ثااااااااااااااااااااااانكس

كتييييييييييييييييييييييييير على اللقاء

يسلمووو ايديكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أريج
عضو دهبي
عضو دهبي
avatar

انثى عدد الرسائل : 2271
العمر : 31
تاريخ التسجيل : 28/09/2007

مُساهمةموضوع: رد: مقابلة شادي في الإذاعة ..   الخميس أكتوبر 11, 2007 1:37 am

كلك ذوق حنين ..عفوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nono

avatar

عدد الرسائل : 21
تاريخ التسجيل : 27/09/2007

مُساهمةموضوع: رد: مقابلة شادي في الإذاعة ..   الإثنين أكتوبر 15, 2007 8:21 am

مرسيييي عالمقابلة حلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nono

avatar

عدد الرسائل : 21
تاريخ التسجيل : 27/09/2007

مُساهمةموضوع: رد: مقابلة شادي في الإذاعة ..   الإثنين أكتوبر 15, 2007 8:25 am

مرسيييي عالمقابلة حلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
M!sS BL
عضو على وسام الشرف
عضو على وسام الشرف
avatar

انثى عدد الرسائل : 479
العمر : 28
البلد : فلسطين الحبيبه
تاريخ التسجيل : 19/10/2007

مُساهمةموضوع: رد: مقابلة شادي في الإذاعة ..   الجمعة أكتوبر 19, 2007 12:37 pm

مقابله حلوه بس قديمه يسلمووووووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yo2poshhadosh.ahlamontada.com
امونه
عضو متميز
عضو متميز
avatar

انثى عدد الرسائل : 158
العمر : 28
البلد : الــــــــــــــعراق
تاريخ التسجيل : 06/10/2007

مُساهمةموضوع: رد: مقابلة شادي في الإذاعة ..   السبت أكتوبر 20, 2007 5:20 am

يسلمووووووووووووووووووو صحيح المقابلة حلووووووووي كتير بس قديمة ماهيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أريج
عضو دهبي
عضو دهبي
avatar

انثى عدد الرسائل : 2271
العمر : 31
تاريخ التسجيل : 28/09/2007

مُساهمةموضوع: رد: مقابلة شادي في الإذاعة ..   الثلاثاء أكتوبر 30, 2007 5:26 pm

yes it is old but very nice for we remember it evry time thanks for answer
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
M!sS BL
عضو على وسام الشرف
عضو على وسام الشرف
avatar

انثى عدد الرسائل : 479
العمر : 28
البلد : فلسطين الحبيبه
تاريخ التسجيل : 19/10/2007

مُساهمةموضوع: رد: مقابلة شادي في الإذاعة ..   الثلاثاء نوفمبر 13, 2007 10:33 am

احلى اروووووووج وربي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yo2poshhadosh.ahlamontada.com
أريج
عضو دهبي
عضو دهبي
avatar

انثى عدد الرسائل : 2271
العمر : 31
تاريخ التسجيل : 28/09/2007

مُساهمةموضوع: رد: مقابلة شادي في الإذاعة ..   الأربعاء نوفمبر 14, 2007 1:29 am

أحلى miss تسلميلي والله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقابلة شادي في الإذاعة ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــــــــــــــــات الاخـوين شــــــــــــادي وهـــــــــــادي اسود :: منتدى شــــــــــــــــــــادي اسود :: «(·´¯`·.·÷×اخر اخبار شـــــــــــــــــــــــــادي اسود×÷·.·´¯`·)»-
انتقل الى: